జాగ్రత్త: సోషల్ మీడియాలో ఎక్కువ సమయం గడుపుతున్నారా?
మీరు ప్రతి రోజు సోషల్ మీడియాలో ఎక్కువ సమయం గడుపుతున్నారా? ఫేస్‌బుక్, ఇన్స్టాగ్రామ్, స్నాప్‌చాట్ లేదా ట్విట్టర్ వంటి సైట్‌లను రోజువారీగా ఉపయోగించడం ద్వారా మానసిక ఆరోగ్యంపై ఎక్కువ ప్రభావం చూపుతుంది అని మానసిక నిపుణులు తెలుపుతున్నారు. వాస్తవానికి, సోషల్ నెట్‌వర్క్‌లలో ఎక్కువ సమయం గడపడం ద్వారా ఎక్కువ నిరాశకు గురయ్యే ప్రమాదం ఎక్కువ ఉన్నట్లు ఒక పరిశోధనలో తేలింది. సోషల్ మీడియా ముఖ్యంగా యువకులు వాడటం ద్వారా నిరాశకు గురు అవుతున్నట్లు శాస్త్రవేత్తలు చెప్పడం ఇది మొదటిసారి కాదు. ఏదేమైనా, మునుపటి అధ్యయనాలు సోషల్ మీడియాలో ఎక్కువ సమయం గడపడానికి డిప్రెషన్ కారణమా లేదా డిప్రెషన్ లక్షణాలకు సోషల్ మీడియా కారణమా అని నిర్ధారించలేదు. ఈ ప్రశ్నకు సమాధానం గుడ్డు ముందా కోడి ముందా అన్నట్లు ఉంది.(చదవండి: 1140 కోట్ల బంపర్ లాటరీ గెలుచుకున్న దంపతులు)
అమెరికన్ జర్నల్ ఆఫ్ ప్రివెంటివ్ మెడిసిన్ లో ప్రచురించబడిన ఈ అధ్యయనం 18 మరియు 30 సంవత్సరాల మధ్య వయస్సు గల 1,000 మందికి పైగా శాంపిల్ చేసింది. వారి మానసిక స్థితిని తెలుసుకోవడానికి ఒక నిర్దిష్ట ప్రశ్నపత్రం అందించారు. ఫేస్‌బుక్, ట్విట్టర్, రెడ్డిట్, ఇన్స్టాగ్రామ్ మరియు స్నాప్‌చాట్ వంటి ప్లాట్‌ఫామ్‌లలో పాల్గొనేవారు ఎంత సమయం గడిపారు అని అడిగారు. సోషల్ మీడియాలో రెండు గంటల కన్నా ఎక్కువ సమయం గడిపే యువకులు వారికే తెలియని నిరాశతో బాధపడే అవకాశం ఉందని అధ్యయనం కనుగొంది. రోజుకు రెండు గంటల కన్నా తక్కువ సోషల్ నెట్‌వర్క్‌లను ఉపయోగించిన పాల్గొనే వారితో పోలిస్తే సోషల్ మీడియాను ఉపయోగించి రోజుకు 2 గంటలకు పైగా గడిపిన యువతీయువకులు 2.8 రెట్లు అధికంగా నిరాశకు గురయ్యే అవకాశం ఉందని శాస్త్రవేత్తలు తెలిపారు. నిరాశ ఎక్కువగా పెరగటానికి ఉదాహరణకు చాలా మంది వృత్తిపరమైన లక్ష్యాలను సాధించడం లేదా, కుటుంబాన్ని, బంధువులను పట్టించుకోకుండా ఎక్కువ సమయంసోషల్ మీడియాలో గడపడం ద్వారా అనేక మానసిక సమస్యలకు దారి తీసునట్లు తెలుస్తుంది. ఎవరినీ పట్టించుకోకుండా స్వార్థంగా తయారయ్యే ప్రమాదం కూడా ఉంది. సోషల్ మీడియా ద్వారా నెగెటివ్ ఆలోచనలు భాగా పేరుగుతునట్లు తెలుస్తుంది అని తెలుపుతున్నారు. మానసికంగా కుంగుబాటుకు గురిఅవుతూ ఆత్మహత్యలకు కూడా ప్రయత్నిస్తునట్లు నివేదికలో తేలాయి.
తాజా టెక్నాలజీ వార్తలు మరియు ప్రభుత్వ సేవల కోసం, మన యొక్క ట్విట్టర్(Twitter), ఫేస్‌బుక్ (Facebook), ఇన్స్టాగ్రామ్ (Instagram) పేజీలను అనుసరించండి. అలాగే తాజా వీడియోల కోసం, మన యూట్యూబ్ (YouTube)ఛానెల్ ని Subscribe చేసుకోండి.